Kuman “Manchester Yunayted” taklifini qabul qiladimi?

“Manchester Yunayted” rahbariyati Usmon Dembeleni olish bo‘yicha “Barselona”ga  taklif tayyorlayapti.

Sulsher jamoasi o‘tgan yozda bu transferni amalga oshirib ulgurmagan edi. Aniqrog‘i, “Borussiya”dan Jeydon Sanchoni olishga uringan “Manchester Yunayted” oxir oqibat har ikki futbolchidan ham quruq qolgandi.

Endi MYu frantsiyalik hujumkor yarim himoyachini kelasi yoz transfer qilishga tayyor. Buning uchun Ronald Kumanning roziligi kerak bo‘ladi. Kataloniyaga kelgan paytida Dembele kerak emasligi aytgan niderlandiyalik murabbiy Dembelening o‘yinini ko‘rganidan keyin fikrini o‘zgartirdi.