Куман: Мен Мессининг клуб билан муаммосини ҳал қила олмайман

“Барселона” бош мураббийи Рональд Куман жамоа етакчиси Лионель Мессининг муаммоларини ҳал этишда ёрдам беролмаслигини маълум қилди.

- Мен клубга келганимда Месси норози эканини айтишди. Унинг уйига бордим ва биз суҳбатлашдик. У менга нимадан норози эканини аниқ тушунтириб берди. Мен ҳам унининг клуб билан юзага келган муаммоларини бартараф этишда ёрдам бера олмаслигимни очиқ айтдим.

Клуб билан муаммолари ечим топмаган бўлса-да, Месси менга доим совринларни ютишга тайёрлиги ва жамоада етакчи эканини кўрсата олди. “Барселона” Месси билан кучли жамоа бўлиб қолаверади, - деди Рональд Куман.  

Мессининг клуб билан шартномаси мавсум охирида якунланади. Месси ўзаро ҳамкорликни узайтириш бўйича музокараларни тўхтатиб қўйган.