Куман уч футболчидан бирини танлайди

“Барселона” қишки трансферлар вақтида марказий ҳимоя учун янги ўйинчи сотиб олади. Айни пайтда каталонияликлар Англия премьер-лигасида ўйнаётган уч нафар футболчини кузатмоқда.  Рональд Куман улардан бирини танлаши керак.

Каталония клуби анчадан буён “Манчестер Сити”га кетиб қолган тарбияланувчиси Эрик Гарсияни ортга қайтармоқчи. Бир неча бор музокарага киришган мутасаддилар трансфер суммаси бўйича келишувга эриша олмади. Юртига қайтиш илинжида юрган Гарсия манчестерликларнинг янги шартномасини қабул қилмаяпти.

Шунингдек, “Барселона” нишонида “Арсенал”дан кетиши кутилаётган Шкодран Мустафи ва “Челси” таркибига кира олмаётган Антонио Рюдигер ҳам бор.