Куманнинг ғазаби қўзиди

“Барселона” бош мураббийи Рональд Куман клуб президенти вазифасини бажараётган Карлес Тускетснинг ўтган ёзда Лионель Мессини сотиш иқтисодий нуқтаи назардан фойда келтириши ҳақидаги гапларидан ғазабга келганини маълум қилди.

- Клубдан ташқаридаги изоҳлар бизни қизиқтирмайди, лекин ичимиздан чиқаётган иддаолар ҳам жамоага ёрдам бермайди. Бунақа чиқишлар бизга ишимизни бажариш ва ғалаба қозониш учун халақит қилади. Бу Тускетснинг шахсий фикри, лекин Месси мавсум якунига қадар шу ерда. Бундан кейин ҳам Лео жамоада қолишига умид қиламиз, - деди Куман.

Лионель Мессининг "Барселона"даги келажаги ҳамон мавҳумлигича қолмоқда.