Куннинг марказий беллашувида томонлар муроса кўчасини танлади

Терма жамоалар йиғинлари доирасидан ўрин олган Португалия ва Испания терма жамоаларининг ўртоқлик учрашуви ўз якунига етди. Унда жамоалар 0:0 ҳисобидаги дурангга имзо чекишди. 

Баҳс мобайнида португаллар бир неча маротаба дарвоза тўсинини нишонга олган бўлса, "қизил фурия"га Патрисиунинг маҳорати халақит берди.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'
  

  Бурчак зарбасидан сўнг Фелиш ўзи томон келган тўпни дарвозага тўғрилаб қўя олмади. 

• 90+'
  

  Учрашув асосий вақтига 3 дақиқа қўшиб берилди.

• 89'
  

  Бурчакдан узатилган тўпга Рамос томонидан берилган зарба ноаниқ кетди.

• 86'

  Жотага узатилган тўпга Кепа биринчи бўлиб чиқиб келди.

• 82'
  

  Серхио Рамос Пау Торрес ўрнига майдонга тушди. Шунингдек, бироз аввал Роналду ўз ўрнини Фелишга бўшатиб берганди.

• 81'

  Траоренинг Диашни ортда қолдириб берган зарбаси ноаниқ чиқди.

• 81'

  Жаримадан узатилган тўпни Кепа ушлаб олди.

• 79'
  

  Диогу Жота Тринкау ўрнига майдонга тушди.

• 75'
  

  Ишонасизми, Кепа сейв қилди! Тринкау яхши имконият ҳосил қилди. Зарбани Аррисабалага қайтариб қолди.

• 72'
  

  Адама Траоренинг узатмасидан сўнг Олмо жарима майдони марказида бўш қолдирилди. Зарбани Руи Патрисиу супер тарзда қайтариб қолди.

• 70'

  Роналдунинг жарима майдони ичига узатган тўпи ўтмади. Ренато яхши позицияга чиқиб бориши мумкин эди.

• 68'
  

  Португалларнинг бурчак зарбаси ҳам ўхшамади.

• 67'

  Роналдунинг супер узатмасини Ренато кўкка совурди. Зарба дарвоза тўсинига тегиб, чизиқ устига тушди.

• 66'
  

  Испания терма жамоасининг бурчак зарбаси яна фойда келтирмади. Ҳимоячилар ўз ўрнида.

• 64'

  Бернарду Силванинг рейдини Гайя ўз вақтида тўхтатиб қолишга эришди. Акс ҳолда, келгуси қадамлар Кепа дарвозасини улкан хавфда қолдирарди.

• 62'
  

  Бускетс ўрнига Адама Траоре майдонга тушди.

• 60'

  Испанлар тўп назоратини амалга оширмоқда. Хавфли вазиятлар йўқ.

• 57'

  Кампаньанинг жаримадан йўллаган зарбаси Патрисиуга ортиқча қийинчилик туғдирмади.

• 55'

  Олмонинг олис масофадан берган зарбаси ноаниқ кетди.

• 53'

  Роналдунинг навбатдаги зарбаси дарвоза тўсинига тегиб қайтди. Мана бу биз кўришга ўрганган Криштиану.

• 52'

  Майдон марказида Тринкауга нисбатан қоида бузилди.

• 49'
  

  Себальос ўрнига Кампанья майдонга тушди.

• 48'

  Испаниянинг жарима зарбаси муваффақиятсиз амалга оширилди.

• 46'
  

  Испанларда Регилон ўрнига Гайя ва Родриго ўрнигв Микель Мерино майдонга ташланди.

• 46'
  

  Моутиньо ўрнига Вильям, Андре Силва ўрнига Бернарду Силва, Пепе ўрнига Рубен Диаш майдонга тушди.

• 46'
  

  Иккинчи тайм бошланди.

• 45'
  

  Биринчи таймга ҳакам томонидан вақт қўшиб берилмади. Танаффус.

• 45'

  Роналдунинг бош билан берган зарбаси ноаниқ кетди. Устига-устак офсайд.

• 44'
  

  Регилон сариқ карточка ишлаб олди. Тринкауга нисбатан ишлатилган қўполлик у учун учинчиси эди.

• 43'

  Геррейру Тринкаунинг узатмасини аниқ тарзда дарвозага йўллай олмади.

• 41'

  Жарима майдонига узатилган навбатдаги тўпни ҳам испан ҳимоячилари қайтарди.

• 39'

  Роналдунинг ўтиб кетишига испан ҳимоячилари йўл қўймади.

• 35'
  

  Роналду яна офсайдда қолиб кетди.

• 33'

  Тринкау жарима майдони яқинида йиқилди. Ҳакамнинг фикрича, барчаси жойида. Ўйин давом этади.

• 31'
  

  Бурчак зарбаси пайтида Пепе рақибига нисбатан фол ишлатди.

• 30'

  Жаримадан узатилган тўпни Рубен Семеду боши билан дарвозага йўллай олмади. Ҳимоячига теккан тўп майдон ташқарисига чиқиб кетди.

• 28'

  Португаллар ҳужумга ўта бошлади.

• 26'

  Ренато Санчешнинг узоқ масофадан берган зарбаси ноаниқ кетди.

• 25'
  

  Олмонинг зарбаси яна Патрисиунинг қўлларига бориб тушди. 

• 24'

  Испания қисқа паслар орқали ўйнашга ўтди.

• 21'

  Регилон ҳужумда қоидани бузди.

• 19'

  Себальос зарба беришга имкон топа олмади. Ҳимоячилардан қайтган тўпга Морено йўллаган зарба ноаниқ чиқди.

• 17'

  Родригонинг навбатдаги зарбаси ҳам яхши ўйланди. Аммо у қадар кучли чиқмади.

• 16'
  

  Ваниҳоят, Роналду тўпга эга чиқди. Афсуски, офсайд!

• 15'

  Португалия ҳам босим уюштира бошлади.

• 12'

  Олмонинг зарбаси тўғри Патрисиунинг қўлига бориб тушди.

• 11'

  Родригонинг жарима майдони ташқарисидан берган зарбаси ноаниқ кетди. 

• 9'

  Ваниҳоят, португаллар ўйинни бироз ўз дарвозасидан узоқлаштиришга эришди.

• 7'

  Каналеснинг жарима майдони марказига узатган тўпини Герейру қайтариб юборди. Қайтган тўпни Олмо дарвозага аниқ йўллай олмади.

• 6'

  Ҳозирча Роналду бошлиқ ҳужум вакиллари тўп билан кўзга ташланмаяпти.

• 5'

  Дани Олмо яхши очилиб борди. Аммо у тўп узатган жойда жамоадошларидан ҳеч ким йўқ эди.

• 3'

  Португалия ҳозирча бир амаллаб рақиб прессингидан чиқиб кетмоқда. Бу қанча давом этиши номаълум.

• 2'

  Дастлабки вазият "қизил фурия"да бўлди. Морено бирга-бир вазиятдан дарвозани ишғол қила олмади. Руи Патрисиу ўз ўрнида.

• 2'

  Испанлар тўп назорати билан ўйинни бошлади.

• 1'
  

  Ўйин бошланди.

• 0'

  Жамоалар майдонга тушиб келишмоқда.

• 0'

  Ассалому алайкум, азиз футбол ихлосмандлари. Олдиндаги 1 ҳафта мобайнида эътиборимиз терма жамоалар ўйинига қаратилади. Куннинг марказий беллашувини матнли тарзда Абдулвосид Валихонов эътиборингизга ҳавола этади.