Куртуа фаолияти давомида 3-марта Ла Лигада энг зўр дарвозабон бўлди

"Реал" дарвозабони Тибо Куртуа Испания чемпионатининг энг зўр дарвозабонига бериладиган “Замора” мукофотини қўлга киритди.

Гап шундаки, 28 ёшли бельгиялик посбон жорий мавсум Ла Лигада бир ўйинда ўртча ўтказилган голлар  бўйича энг паст кўрсаткични қайд этган. У 34 та ўйинда ўз дарвозасидан 20 та гол ўтказиб юборган холос. Шунда ҳар бир ўйинга ўртача 0,59 гол тўғри келади.

Куртуа бу совринни фаолияти давомида 3-марта қўлга киритди. Бундан аввал, у 2012/13 ва 2013/14 йилги мавсумларда "Атлетико" сафида “Замора” мукофотига сазовор бўлган.