Куртуа жароҳат билан ўйнади: "Атлетико"га қарши дерби хавф остида

Тибо Куртуа "Реал Мадрид"нинг "Манчестер Сити"га қарши ўйинида биринчи бўлимни жароҳат билан ўтказди.

Чемпионлар лигаси 1/8 финал жавоб баҳсида мадридликлар сафарда 2:1 ҳисобида ғалаба қозонди (биринчи ўйин — 3:0). Танаффусда Куртуа алмаштирилди ва иккинчи бўлимни Андрей Лунин бошлади.

Маълумотларга кўра, бельгиялик дарвозабон ўнг сонининг мушагидаги ортиқча юклама сабаб ўйинни давом эттира олмаган. Қайд этилишича, у жароҳатни ўйиндан олдинги қизиш жараёнидаёқ олган.

Ҳозирча Куртуанинг 22 март куни "Атлетико Мадрид"га қарши дербида иштирок этиши ноаниқ бўлиб қолмоқда.