Куртуа жароҳат олиб сафдан чиқди. Унинг қачон сафга қайтиши ҳам маълум

"Реал" дарвозабони Тибо Куртуа чап оёғининг узун етакчи мушагидан жароҳат олди. Бу ҳақда клубнинг матбуот хизмати хабар берди.

Журналист Мельчор Руиснинг маълумотига кўра, бельгиялик посбоннинг тикланиши тахминан 15 кунгача давом этади.

Шу сабабли Куртуа Бельгия терма жамоасининг Қозоғистон ва Лихтенштейнга қарши учрашувларини ўтказиб юбориши аниқ. У 23 ноябрь куни бўлиб ўтадиган Ла Лига доирасидаги "Эльче"га қарши баҳсгача сафга қайтиши кутилмоқда.