Куртуа “Реал”га келгани қайси футболчига ёқмаганини айтди

Тибо Куртуа бир неча йиллардан бери “Реал”нинг асосий дарвозабони ҳисобланади ва биринчи рақамни ҳеч қайси рақобатчисига бермай келмоқда. 

Бельгилик посбон 2018 йили “Челси”дан “Реал”га ўтган даврларини эслади. Унинг айтишича, ўша пайтда мадридликлар дарвозасини қўриқлаган Кейлор Навасга Тибонинг келгани ёқмаган экан.

- Мен Мадрид клубига ўтганимда Кейлор Наваснинг ракциясини дарров пайқаганман. У мени ўзининг ҳудудига дахл қилган, деб ҳисобларди, - деди Тибо Куртуа. 

Куртуа Бельгиянинг “Генк” жамоаси тарбияланувчиси ҳисобланади. 2011 йили “Челси” уни ўз сафига қўшиб олган. Орада бир мавсум “Атлетико Мадрид” сафида ҳам ижарада ўйнаган. 

32 ёшли голкипернинг “Қироллик клуби” билан амалдаги шартномаси 2026 йилнинг ярмигача давом этади.