Куртуа ва "Челси" келиша олмаяпти

“Челси” клуби таклиф этаётган янги шартнома бельгиялик дарвозабон Тибо Куртуани қаноатлантирмаяпти. Томонлар ҳамон музокараларни давом эттирмоқда.

Агар музокаралар мувафаққиятли якун топмаса Куртуа бир йилдан сўнг эркин агентга айланади.

Шу сабаб “Челси” футболчини келаси мавсум сўнггида текинга қўйиб юбормаслик учун сотиб юбориши ҳам мумкин. 26 ёшли бельгиялик футболчига “Реал” ва “Ливерпуль” клублари қизиқиш билдирмоқда.

Куртуанинг трансфер нархи 60 миллион еврога баҳоланмоқда.