Кутилм аган қарор: “Тоттенхэм” суперҳужумчи Кейнни сотишга рози бўлди

“Тоттенхэм” клуби раҳбарияти жамоанинг асосий ҳужумчиси Ҳарри Кейнни сотиб юбориш учун унга трансфер суммасини белгилади.

Daily Mail нашри тарқатаётган хабарларга қараганда, “Тоттенхэм” хўжайинлари жамоанинг асосий юлдузини 170 миллион еврога баҳоламоқда. Бу суммадан кам бўлган таклифлар кўриб чиқилмайди.

Айни пайтда 27 ёшли тўпурарга “Манчестер Юнайтед” ва “Манчестер Сити” асосий даъвогар ҳисобланади. Бу жамоалар анчадан бери инглиз футболига мослашган ва кўп гол ура оладиган футболчига эҳтиёж сезмоқда.

Жорий мавсумда Кейн “Тоттенхэм” сафида 32 та учрашув ўтказиб, 21 та гол урди ва 14 та голли пас оширди. Унинг клуб билан шартномаси 2024 йилнинг 30 июнигача давом этади.