Кутилмаган бурилиш: Мбаппе ПСЖ билан янги шартнома имзолаши мумкин

ПСЖ ҳужумчи Килиан Мбаппе билан янги шартнома имзоламоқчи.

RMC Sport нашрининг хабар беришича, француз парижликлар билан келишувни яна икки йилга узайтириши мумкин. Бунинг учун ПСЖ унга клубдаги асосий ролни кафолатлаши лозим. 

Париж клуби Килианни жамоанинг энг кўп маош олувчи футболчисига айлантиришга тайёр. Аммо бу форвард учун ҳал қилувчи омил эмас, чунки "Реал" ҳам унга юқори маош таклиф қилмоқда. 

Месси ва Неймар майдонга тушганда, Мбаппе ўнг қанотда ўйнашга мажбур бўлмоқда. Бу позиция футболчи учун ноқулай ҳисобланади. Ҳужумчининг сўзларига кўра, бу унинг клубда "учинчи рақам" саналишидан далолат беради. 

ПСЖ бош мураббийи Маурисио Почеттино триога ўйин давомида қанотларни эркин алмаштиришни таклиф қилмоқда. Эҳтимол, мавсум сўнггига қадар парижликлар бу тактикага амал қилади.

Аввалроқ, "Реал" агар Килиан ёзда "қироллик клуби"га кўчиб ўтмаса, бошқа таклиф билан чиқмаслиги ҳақида огоҳлантирганди.