Кутилмаган янгилик: Месси “Барселона”га қайтадиган бўляпти

“Барселона”нинг энг машҳур тарбияланувчиси Лионель Месси яна Каталонияга қайтиш имкониятига эга бўлди.

Айни пайтда “Интер Майами” шарафини ҳимоя қилаётган аргентиналик футболчи 2026 йили бўладиган жаҳон чемпионатида иштирок этмоқчи.

Gol Digital нашрининг маълум қилишича, Месси 2026 йилнинг бошида “Барселона” билан эркин агент сифатида қисқа муддатли шартнома имзолашни режалаштирмоқда.   Бу орқали Лео жаҳон чемпионатига яхшироқ тайёргарликка эга бўлишни мақсад қилган.

Лионель Мессининг “Интер Майами” билан шартномаси 2025 йилнинг охиригача имзоланган. У шартномани тўлиқ ўтаганидан кейин “Барселона”га қайтиш режасини амалга ошириши мумкин.