Кварацхелия тўққиз ой футбол ўйнолмайди
Оғир йўқотиш
Грузия миллий терма жамоаси ва Франциянинг ПСЖ клуби ҳужумчиси Хвича Кварацхелия «Барселона»га қарши Европа Чемпионлар Лигаси учрашувида олган жароҳати сабаб камида тўққиз ой майдондан четда қолиши мумкин.
Футболчининг жароҳат олган вазияти акс этган видеони ижтимоий тармоқ X орқали таҳлил қилган физиотерапевт Анхель Вильянуэва шундай дастлабки хулосани эълон қилган.
«Тўқнашув пайтида ўнг тиззанинг оёқ кафтлари жойидан қимирламасдан турган ҳолда мажбурий равишда ичига қайрилгани яққол кўринади. Бундай ҳолат ёпиқ кинематик занжирдаги юклама шароитида содир бўлади ва, одатда, олдги кўндаланг боғлам ҳамда ички ён боғламнинг бир вақтнинг ўзида шикастланишига хос. Бундай жароҳатдан сўнг тикланиш муддати тахминан тўққиз ойни ташкил қилади», — дея ёзган Вильянуэва.
Жароҳат сабаб Кварацхелия ўйинни давом эттира олмади ва 59-дақиқада унинг ўрнини Манес Аклиуш эгаллади. Чемпионлар Лигаси гуруҳ босқичининг учинчи туридаги беллашув ПСЖнинг «Барселона» устидан 4:2 ҳисобидаги йирик ғалабаси билан якунланди.
Изоҳлар (0)