Кварацхелия Чемпионлар лигаси тарихига кирди

УEФА Чемпионлар Лигасининг плей-офф жавоб учрашувида ПСЖ ўз майдонида "Брест"ни 7:0 ҳисобида тор-мор этиб, йирик ғалабани қўлга киритди.

Париж гранд клубининг голларидан бирига ҳужумкор ярим ҳимоячи Хвича Кварацхелия муаллифлик қилди.

"Opta Sports" нашрининг хабар беришича, Кварацхелия УЕФА Чемпионлар Лигасининг плей-офф босқичида гол урган биринчи грузиялик футболчига айланди. Икки ўйинлик баҳснинг умумий натижасига кўра, Париж клуби "Брест"ни 10:0 ҳисобида ишончли тарзда мағлуб этди.