Kvaratsxeliyaning agenti: "Xvicha "Real" muxlisi"

"Napoli" futbolchisi Xvicha Kvaratsxeliya ushbu mavsumn kashfiyotlaridan biri bo‘ldi. U bir qancha top klublar e’tiborida bo‘lib turibdi. Vingerning agenti uni qaysi jamoa muxlisi ekanligini aytdi.

"Biz va uning otasi "Barsa" fanatimiz, lekin Xvicha "Real"ni yaxshi ko‘radi. Agar uni "Barselona" libosida ko‘rsam, xursand bo‘laman. "Napoli" direktori bizdan shoshmaslikni so‘ramoqda. U Italiyada baxtli", - dedi Mamuka Jugeli.

Kvaratsxeliya uchun Angliyadan ham qiziqishlar bor. Neapil klubi ham uni saqlab qolishni istaydi va futbolchining oylik maoshini oshirmoqchi.