Кюрзава ЕЧЛда хет-трик қилган илк ҳимоячи бўлди

Аввал хабар берганимиздек Франциянинг ПСЖ клуби кеча ЕЧЛ гуруҳ босқичининг 4-турида “Андерлехт”ни қабул қилди ва якунда 5:0 ҳисобида ғалаба қозонди.

Эътиборлиси, ушбу ўйинда киритилган голларнинг учтасини майдон эгалари ҳимоячиси Левен Кюрзава киритди. Бу билан 25 ёшли франциялик футболчи Чемпионлар лигасида хет-трик қайд этган биринчи химоячи бўлиб тарихга кирди.

Эслатиб ўтамиз, 4та ўйиннинг барчасида ғалаба қозонган парижликлар муддатидан аввал плей-офф босқичига йўлланмани қўлга киритишди.