Ла Лига аутсайдерларидан бири

"Сельта" клуби "Барселона"дан ижарага олинган ярим ҳимоячи Рафинья Алькантарани сотиб олиш ҳуқуқидан фойдаланмоқчи.

Mundo Deportivo нашри тарқатган хабарга кўра, виголиклар бразилиялик футболчи учун “кўк-анор ранглилар”га 16 млн евро тўлашга тайёр. Бироқ, Рафинья фаолиятини АПЛ ёки А Серия клубида давом эттирмоқчи ва шу сабабли ҳам “Сельта”ни рад этиши мумкин.

27 ёшли Алькантара мавсумни “Сельта” сафида ижарада ўтказмоқда. У 20 та ўйинда майдонга тушди ва 2 та гол ҳамда 2 та голли узатма ёздириб қўйишга эришди. Унинг трансфер нархи эса 9,5 млн еврога баҳоланмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)