Ла Лига. Гризманнинг ажойиб голлари "Атлетико"га ғалаба тақдим этди
Испания Ла Лигасининг 11-туридан ўрин олган учрашув бўлиб ўтди ва унда “Бетис” ўз майдонида “Атлетико”ни қабул қилди.
Учрашувнинг биринчи бўлимида жамоалар бир-бирининг дарвозасига аниқ зарба бера олишмади. Иккинчи бўлимда “матрасчилар” франциялик ҳужумчи Антуан Гризманнинг голи эвазига ҳисобда олдинга чиқиб олишди.
71-дақиқада Гризманн учрашувдаги иккинчи голини киритди ва мадридликларнинг устунлигини мустаҳкамлади. 84-дақиқада мезбонлар ҳисобдаги фарқни қисқартиришди - Набил Фекир гол муаллифи.
Қолган вақтда “Бетис” футболчилари ҳисобни тенглаштира олмади. Учрашув Мадрид клубининг 2:1 ҳисобидаги ғалабаси билан якунланди.
Ушбу ўйиндан кейин "Атлетико" 23 очко жамғариб, чемпионатда учинчи ўринга кўтарилиб олди. 20 очкога эга бўлган "Бетис" турнир жадвалининг бешинчи поғонасига тушиб кетди.
Фикрлар