Ла лига ҳакамлар қўмитаси бошлиғи Мессининг голини ҳисобга олмаган ҳакамни қўллаб-қувватлади
Испания ҳакамлар қўмитаси президенти Викториано Санчес Арминио Испания Ла лигаси 13-туридан ўрин олган “Валенсия” – “Барселона” (1:1) ўйинида Лионель Месси томонидан киритилган “тоза” голни инобатга олмаган ҳакамни қўллаб-қувватлади.
“Одамларга ҳакамларга ҳужум қилиш ёқади, уларни қўллаб-қувватлаш эмас. Иглесиес Вильянуэва ўйинни жуда яхши бошқариб борди. Бу вазиятни эса баҳолаш жуда қийин эди.
Мен у билан душанба куни гаплашдим. Уни айблаш ноҳақлик бўлади. Мен унга бу вазиятни тезроқ эсдан чиқариши лозим эканлигини айтиб ўтдим. У ўзини ўнглаб олиши ва ишида давом этиши керак”, – деб айтиб ўтди ҳакамлар корпуси бошлиғи.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар