Ла Лига. "Севилья" 1:1 ҳисобида тугаган ўйинда 2 та гол урди

Ла Лиганинг 29-турида пешқадамлар қаторида бораётган “Севилья” “Леванте” майдонига сафар қилди.

Учрашув 1:1 ҳисобида дуранг билан якунланди. Дастлаб 46-дақиқада Люк де Йонг андалусияликларни ҳисобда олдинга олиб чиққан бўлса, 87-дақиқада Диего Карлос ўз дарвозасини ишғол қилиб қўйди ва “Севилья”ни ғалабадан мосуво қилди.

Ушбу ўйиндан сўнг “Севилья” ўз ҳисобидаги очколарн 51 тага етказиб олган бўлса, “Леванте” 35 очко билан 12-ўринга кўтарилиб олди.