Лапорта: "Спорт директори Деку бу трансфер бўйича катта иш қилди"

«Барселона» президенти Жоан Лапорта «Боруссия» вингери Карим Адейемининг каталонияликлар сафига қўшилиши арафасида эканини маълум қилди.

«Биз жуда хурсандмиз. У анча вақтдан бери кузатиб келаётган футболчимиз. Адееми жуда тезкор, жуда яхши ўйинчи. Спорт директори Деку бу трансфер бўйича катта иш қилди», – деди Лапорта.

Унинг таъкидлашича, Энтони Гордон ва Адейеми трансферлари фонида клуб Рафинья билан хайрлашишни режалаштираётгани йўқ: «Биз Рафиньянинг кетишини истамаймиз. У бизнинг учун асосий ўйинчи. Гордон ва Адеемини олиш Рафинья билан боғлиқ эмас. Бу Рафа кетади, дегани эмас», – дея қўшимча қилди «Барса» президенти.

Лапорта шунингдек ҳужумчи Ферран Торреснинг ПСЖга ўтиши эҳтимоли ҳақида ҳам тўхталиб ўтди.

«Ҳозирча буни тасдиқлай олмаймиз. У ҳали ҳам «Барса» футболчиси ва жаҳон чемпионатида жуда яхши ўйин кўрсатмоқда», – деди Лапорта.