"Лацио" - "Женоа": Элдор Шомуродов ҳисобни 4:3 кўринишига келтирди! (матнли трансляция)

Ассалому алайкум, қадрли футбол ихлосмандлари! Италия А Серияси 34-туридан ўрин олган "Лацио" - "Женоа" учрашуви матнли тарзда эътиборингизга ҳавола этилади.

• 90+4'
  

  Учрашув якунланди. Шомуродов яна гол урди, "Женоа" Римда имкониятни бой берди!

• 90+2'

  Қулай позицияга чиқиб борган Перрейрани Ровелла тўхтатди.

• 90'
  

  Учрашувнинг асосий вақтига 4 дақиқа қўшиб берилди.

• 90'
  

  Бираскига тиббий ёрдам кўрсатилди.

• 88'

  Скамакка жарима майдони ичида тўпни тўхтатди. Бироқ ҳимоячилар унга ҳалал беришни уддалади.

• 87'

  Инзаги шогирдлари катта қийинчилик билан рақиб ҳужумларини қайтармоқда.

• 85'

  Римликларнинг тезкор қарши ҳужумини Масьелло бартараф этди.

• 83'
  

  Рақибига нисбатан қоида бузган Фарес огоҳлантирилди.

• 81'
  

  ГООООООООООООООООООООООООООООЛ! ЭЛДОР ШОМУРОДООООООООООООООООООВ!

  Қулай позицияга чиқиб борган Элдор аниқ зарбаси билан Рейнани ожиз қолдирди.

• 80'
  

  ГОООООООООООООООООООООООЛ! Учрашувда ҳисоб ўзгарди!

  Жанлука Скамакка пенальтидан йўллаган зарбаси билан ҳисобни қисқартирди!

• 79'
  

  Милан Бадель жарима майдони ичида қўполлик эвазига тўхтатилди. Ҳакам нуқтага ишора этди.

• 77'

  Тўп учун елкама-елка курашда Шомуродов рақиб ҳимоячисига имкониятни бой берди.

• 74'

  Жарима майдони ичига етказиб берилган тўпга меҳмонлардан ҳеч ким ета олмади.

• 72'

  Ўйин темпи пасайди. Томонлар тўпни марказда ушлаб турибди.

• 69'

  Чиро Иммобиленинг зарбаси устун ёнгинасидан ўтиб кетди.

• 67'

  Элдор бу сафар жамоадоши узатган тўпни ўзига бўйсундира олмади.

• 66'

  Жарима майдони ичида 2 рақиби қуршовида қолиб кетган Шомуродов тўпни йўқотди.

• 65'

  Марко Пьяца ҳужумда қоида бузди. Ҳакам ўйинни тўхтатди.

• 63'

  Жарима майдонига узатилган тўпга Элдор ноаниқ зарба берди.

• 61'

  Корреа бирга-бир вазиятга чиқиб бориши мумкин эди. Аммо Бираски уни зарарсизлантирди.

• 58'

  Ровелланинг зарбасига аниқлик етишмади.

• 56'
  

  ГОЛ. "Лацио" ҳисобни йирик кўринишга келтирди!

  Жарима майдони ичида қулай позицияга чиқиб борган Хоакин Корреа аниқ зарбаси билан дублни расмийлаштирди.

• 55'

  Пьяцанинг зарбаси кучсиз чиқди. Дарвозабон осонлик билан тўпни ушлаб олди.

• 53'
  

  Меҳмонлар вакили ўйиндан ташқари ҳолатда қолиб кетди. Ҳакам ўйинни тўхтатди.

• 50'

  Иккинчи бўлимда "грифонлар" бироз фаолроқ ҳаракат қиляпти.

• 48'
  

  ГОЛ. Мезбонлар дарҳол ҳисобдаги фарқни тиклади!

  Луис Альбертонинг чиройли зарбасини Перин қайтара олмади.

• 47'
  

  ГОООООООООООООООООООООООООЛ! "Женоа" ҳисобни қисқартирди!

  Гилоьненинг фаол ҳаракатларидан кейин Марушич ўз дарвозасини ишғол этиб қўйди.

• 46'
  

  Иккинчи тайм бошланди!

• 46'
  

  "Женоа" сафида 3 ўзгариш: Скамакка, Пьяца ва Гилоьне Дестро, Зайц ҳамда Радованович ўрнига майдонга тушди.

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45+1'
  

  Генуяликлар бурчак зарбасидан наф чиқара олмади.

• 45'
  

  Биринчи таймга 1 дақиқа қўшиб берилди.

• 45'

  Баделнинг зарбаси ҳимоячилардан ўтмади.

• 43'
  

  ГОЛ. Иммобиле пенальтини аниқ амалга оширди!

  Нуқта қаршисига келган Чиро ўзидан чап томонга кучли зарба йўллаб, дарвозабонни ожиз қолдирди.

• 42'
  

  Жарима майдони ичида Радованович Иммобилени йиқитди. Ҳакам пенальти белгилади.

• 41'

  Бўлим сўнгига келиб меҳмонлар ҳам бироз ўйинга фаоллик қўшишга ҳаракат қилмоқда.

• 38'

  "Женоа" анча суст ўйнамоқда. Рақиб ҳимояси ҳеч қандай қийинчиликсиз ҳужумларни бартараф этяпти.

• 36'

  Тўп назорати "бургутлар"га қайтди. Улар темпни онгли равишда пасайтирди.

• 34'

  "Женоа" ҳужумда айтарли ҳеч нима қила олмаяпти.

• 32'

  Ҳисобда олдинга ўтиб олган мезбонлар бироз фаолликни пасайтирди.

• 30'
  

  ГОЛ. Учрашувда ҳисоб очилди!

  Радованович ўз жарима майдони ичида тўпни узоқлаштирмоқчи бўлиб зарба берди. Тўп Хоакин Корреага тегиб дарвозадан жой олди.

• 28'

  Ҳаммаси жойида. Элдор ўйинни давом эттира олади.

• 27'

  Элдор Шомуродов майдонда ётибди.

• 25'
  

  Луис Альбертонинг яқин масофадан берган зарбасини Перин эгаллаб олди.

• 23'

  Элдор жамоасининг чап қанотдан ташкил этилган ҳужумини муваффақиятли давом эттира олмади.

• 21'

  Жарима майдони марказига оширилган тўпни Рейна ушлаб олди.

• 20'

  Меҳмонлар жарима майдонига яқин ҳудудда стандартга эга бўлди.

• 19'

  Баллардини шогирдлари жарима майдони олдида "автобус" қўйган ҳолда ҳимояланмоқда.

• 17'

  Ўйин римликларнинг катта устунлиги остида давом этмоқда.

• 15'
  

  Альберто бурчакдан тўпни дарвозага йўллади. Перин тўпни қайтарди.

• 13'

  Ладзарининг зарбаси йўлига ҳимоячилар блок қўйишга муваффақ бўлди.

• 11'

  Жарима майдони ичида Луис Альберто тўпни ўзига бўйсундира олмади. Қулай имконият қўлдан кетди.

• 9'

  Рақибнинг чап қанотдан уюштирган ҳужумини Бираски тўхтатиб қолди.

• 7'

  Генуяликлар майдон марказини босиб ўтишда катта қийинчиликка дуч келмоқда.

• 5'

  Чиро Иммобиленинг бу сафарги уриниши ҳам анча хавфли чиқди. "Лацио" рақибни кучли босим остида ушлаб турибди.

• 3'
  

  Илк дақиқалардан майдон эгалари фаоллик кўрсатмоқда. Иммобиленинг яқин масофадан йўллаган зарбасини Перин қайтарди.

• 1'
  

  Ўйин бошланди!