"Лацио" бош мураббийи "Женоа" устидан қозонилган ғалабадан сўнг нималар деди?

Италия А Сериясининг 34-турида "Лацио" ўз майдонида "Женоа"ни қабул қилиб, 4:3 ҳисобида ғалабага эришди. Ўйиндан кейинги матбуот анжуманида римликлар устози Симоне Инжзаги қуйидаги фикрларни билдириб ўтди: 

"Йигитлар жуда яхши ҳолатда эди. 80 дақиқа жуда яхши ўйин намойиш этдик. 4 тадан ҳам кўп гол уриш имкониятимиз бор эди. 11 та уй учрашувида кетма-кет ғалаба қозониб, рекорд ўрнатдик. Ушбу футболчиларни бошқараётганимдан фахрланаман. Мавсумни кучли тўртликда якунламоқчимиз. 

Биз жуда ҳам қийин рақибга дуч келдик. "Женоа" таркибида жуда кўплаб ажойиб футболчилар бор ва уларга қарши ҳаракат қилиш қийин. Биз ғалабага ҳақли ўйин кўрсатдик", - деди Индзаги. 

Элдор Шомуродов ҳаракат қилаётган клубга қарши баҳсдаги ғалаба орқали "Лацио" ҳисобидаги очколар 64 тага етди ва улар 6-ўринда бормоқда.