Лаутаро Мартинес Роналдунинг агентига мурожаат қилди

"Интер" форварди Лаутаро Мартинес ёзги трансфер ойнаси вақтида  миланликлар таркибини тарк этмоқчи, дея хабар бермоқда Marca.

Манбага кўра, аргентиналик ҳужумчи янги клуб излаш масаласида машҳур агент Жорже Мендешга мурожаат қилган. Футболчининг агентлари Бето Яку ва Роланд Сарате мижози билан ишлашда давом этади, аммо унинг "Интер"дан кетиш ишларини Мендеш ҳал қилади.

Лаутаро пандемия шароитида португалиялик тажрибали агент катта трансферларни амалга ошира олишига ишонмоқда.

Мартинес "нерадзуррилар"ни тарк этиб, олдига катта мақсадларни қўя оладиган клубга ўтишни режалаштирмоқда.