Легионер ҳужумчининг биргина голи "Ал-Насср"га ғалаба келтирди, Машарипов қайдномага киритилмади

Саудия Арабистони чемпионати 11-туридан ўрин олган "Ал-Ҳалиж" - "Ал-Насср" учрашуви ниҳоясига етди. Унда меҳмонлар 1:0 ҳисобида зафар қучди.

Баҳс тақдирини риёдликларнинг камерунлик легионери Венсан Абубакарнинг 5-дақиқада киритган голи ҳал этди. Жалолиддин Машарипов мураббийнинг қарорига кўра ўйин қайдномасига киритилмади.

Ушбу ғалаба натижасида "Насср" очколари сонини 26 тага етказиб, онлайн жадвалда биринчи поғонага чиқиб олди. "Ал-Ҳалиж" 4 очко билан 15-поғонани банд этган.