Легионеримиз Диего Симеоне бошчилигидаги "Атлетико" (Мадрид)га қарши ўйнайди

Гонконгнинг “Китчи” клуби эртага Испаниянинг таниқли жамоаси – Мадриднинг “Атлетико”сига қарши ўртоқлик учрашувини ўтказади.

Маълумки, айни пайтда “Китчи” шарафини ҳамюртимиз Шерзод Темиров ҳимоя қиляпти ва у эртага илк бор Диего Симеоне бошчилигидаги клуб билан ўйнайди.

Айтиш лозимки, Темиров фаолиятида илк бор Антуан Гризманн тўп сураётган жамоага қарши майдонга тушади.

Яқинда Термиров “Китчи” сафида Таиланддаги йиғинда Игорь Сергеев жамоасига қарши ўртоқлик учрашувида гол урганди.

“Китчи” – “Атлетико” ўртасидаги учрашув 7 август куни марказий “Гонконг” стадионида бўлиб ўтади.