Легионеримиз клубини ўзгартиради

Малайзия чемпионатида ўзини ҳар томонлама кўрсата олган ҳамюртимиз Санжар Шоаҳмедовнинг фаолиятида ўзгариш юз берадиган бўлиб турибди.

Билсангиз керак, у маҳаллий “Теренгану” сафида икки мавсумни ўтказди ва шу вақт давомида бир-биридан чиройли голлар муаллифи бўлди. Мавсум якунига келиб, Санжарнинг клуб билан тузган шартномаси тугади. Албатта, “Теренгану” ҳамюртимиз билан ҳамкорликни давом эттириш истагида эди. Бироқ 30 ёшли легионеримиз янги чақирувларни кўриб чиқмоқчи.

Айни пайтда Шоаҳмедовга бошқа мамлакатлардан таклиф билан чиққан клублар бор. Ҳозирда музокаралар давом этяпти. Ўз навбатида, “Теренгану” жамоаси Санжарга икки йиллик ажойиб фаолияти учун миннатдорлик билдирди.

Матнда хатолик топсангиз, ўша хатони белгилаб, бизга жўнатинг (Ctrl + Enter)