Легионерларимиз. Бугун Шомуродов "Кальяри" сафида норасмий ўйинда дебют қилиши мумкин

Ўртоқлик ўйини.

Бугун "Кальяри" "Ювентус U-23" жамоасига қарши ўртоқлик ўйини ўтказади. Учрашув Тошкнт вақти билан 22:00да старт олади. 

Эътиборли томони яқинда "Рома"дан "Кальяри"га кўчиб ўтган легионеримиз Элдор Шомуродов мазкур баҳсда янги жамоаси сафида дебют қилиши мумкин. 

Эслатиб ўтамиз, 28 ёшли Шомуродов 2021 йилдан буён "Рома" шарафини ҳимоя қилиб келаётган эди. У ўтган мавсум ярмини ижара асосида "Специя"да ўтказди.

Ўртоқлик ўйини.

Бугун Абдуқодир Ҳусанов жамоаси "Ланс" Германияда "Вольфсбург"га қарши ўртоқлик учрашувини ўтказади. Ҳусанов "Ланс"нинг мазкур ўйини қайдномасига киритилди.

Ушбу ўртоқлик ўйини бугун Тошкент вақти билан 18:00да бошланади. Ҳусанов захирадан бўлса ҳам ўйинга тушиши кутилмоқда.

Эслатиб ўтамиз, 19 ёшли легионеримиз аввалроқ "Энергетик-БГУ"дан француз клубига кўчиб ўтган эди.

РПЛ. 

Бугун Россия премьер лигасининг иккинчи тур ўйинлари бўлиб ўтади. Мазкур тур доирасида Иброҳимҳалил Йўлдошев ва Русланбек Жиянов ҳаракат қилаётган "Пари Нижний Новгород" сафарда "Урал"га қарши майдонга чиқади. Беллашув Тошкент вақти билан 19:30да старт олади.