Легионерларимиз. Тўлиқ 90 дақиқа ҳаракат қилган Аббос Файзуллаевнинг ўйини қандай баҳоланди?

Россия премьер-лигаси 10-туридан ўрин олган ЦСКА - "Балтика" баҳси ўз ниҳоясига етди ва унда москваликлар минимал ҳисобда ғалаба қозонди.

Учрашувдаги ягона голни 18-дақиқада Виктор Давила киритди. Легионеримиз Аббосбек Файзуллаев ўйиннинг илк дақиқаларидан майдонга тушди ва тўлиқ 90 дақиқа ҳаракат қилди. Унда гол уришга вазиятлар бўлди, бироқ омад етишмади. Учрашувдан сўнг "Who Scorred" портали футболчиларга қўйилган балларни эълон қилди. Унга кўра, Файзуллаев 6.9 баллга лойиқ кўрилди.