Лэмпард бошқарувидаги "Челси" япон клубига имкониятни бой берди (видео)

Янги мавсум учун тайёргарлик олиб бораётган Лондоннинг "Челси" клуби бугун Япониянинг "Кавасаки Фронтале" жамоасига қарши ўртоқлик ўйинида майдонга тушди. Учрашувга ташриф буюрган мухлислар голни узоқ кутишди ва беллашув якунланишига 4 дақиқа қолганида Леандро Дамио "аристократлар" дарвозасини ишғол қилди ва жамоасига ғалаба олиб келди.

Қайд этиш жоиз, бугунги ўйин Фрэнк Лэмпард учун "Челси" бошқарувидаги учинчи баҳс бўлди. Бунга қадар унинг қўл остида "кўклар" "Богемианс" билан дуранг ўйнаган бўлса, "Сент-Патрикс"ни йирик ҳисобда енгишга эришган эди.

"Челси": Кабальеро — Аспиликуэта (Заппакоста, 46), Зума (Кристенсен, 46), Луис, Алонсо (Эмерсон, 46) — Жоржиньо (Дринкуотер, 56), Ковачич (Бакайоко, 56) — Педро (Баркли, 46), Маунт (Пулишич, 65), Кенеди (Палмер) — Батшуайи (Жиру, 46).