“Лестер” Клаудио Раньерини қайтаришга ҳаракат қилдими?

Англиянинг “Лестер” клуби мураббийи Крэйг Шекспир ўз лавозимидан озод этилгач жамоа раҳбарияти айни пайтда “Нант”га устозлик қилаётган Клаудио Раньерини ортга қайтаришга умид қилди. Бу ҳақда Corriere dello Sport нашри хабар бермоқда.

Манбанинг маълум қилишича, италиялик мутахассис бу таклифни рад этди. Эслатиб ўтамиз, Раньери “Лестер”ни Англия чемпионига айлантиргандан сўнг, ўтган мавсум “тулкилар”ни тарк этганди.