"Лестер" "Тоттенхэм" ярим ҳимоячисини сотиб олмоқчи

"Лестер" клубни тарк этаётган Жеймс Меддисон ўрнини "Тоттенхэм" вакили Харри Винкс билан тўлдирмоқчи, дея хабар берди "The Telegraph" нашри. 

Маълум бўлишича, "тулкилар"нинг янги бош мураббийи Энцо Мореска 27 ёшли ярим ҳимоячини ўз жамоасида кўрмоқчи ва раҳбариятдан бу трансферни талаб қилган. 

Винкснинг "шпорлар" билан амалдаги шартномаси 2024 йилнинг ёзида тугайди. У сўнгги йилларда "Тоттенхэм"нинг захира футболчисига айланиб қолди. Харри якунига етган мавсумни "Сампдория" таркибида ижарада ўтказди.