Levandovski "Bavariya"ni tark etadimi? Futbolchining o‘zi bunga javob berdi

"Bavariya" futbolchisi Robert Levandovski haqida mish-mishlar soni tobora ko‘payib bormoqda. Uning Bundesliga chempionlari safini tark etishi borasidagi savollarga hujumchining o‘zi javob berdi. 

"Men Hasan (Hasan Salihamijich - "Bavariya" sport direktori) bilan gaplashdim. Unga jamoa bilan shartnomani uzaytirmaslikka qaror qilganimni ma’lum qildim. 

Ikki tomon ham kelajak uchun foydali qaror chiqarish ustida bosh qotirmoqda. Menimcha, biz o‘zimiz uchun ajoyib echimni topamiz. 

Agar taklif kelib tushsa, uni ko‘rib chiqishimni aytdim. Albatta, bu taklif klub uchun ham manfaatli bo‘lishi lozim. Men aytishim mumkin bo‘lgan barchasi shulardan iborat", - dedi polshalik goleador.