“Бавария” форварди Роберт Левандовскига яна бир топ клуб харидор бўлмоқда.

Football Italia нашри тарқатган хабарга кўра 29 ёшли польшалик футболчига “Ювентус” жиддий қизиқиш билдира бошлаган. Гап шундаки, туринликлар Левандовскини ёзда жамоани тарк этиши кутилаётган Гонсало Игуаиннинг ўрнига муносиб номзод сифатида қарашмоқда.

Маълумот учун, Левандовски “Бавария” сафида 2014 йилдан буён тўп суриб келмоқда. У якунланган мавсум Бундеслигада 30та ўйинда иштирок этиб, рақиблари дарвозасига 29та гол киритишга эришган ва мусобақа тўпурарлигини қўлга киритган.