Левандовски Ҳарри Кейн унинг рекордини уришига ишонмади

“Барселона” ҳужумчиси Роберт Левандовски “Бавария”да ўйнаб юрган кезлари бир мавсумда энг кўп гол уриш бўйича Бундеслига рекордини ўрнатган эди. Ўшанда польшалик форвард 29 та учрашувда рақиблар дарвозасига 41 та тўп киритган.

Бу мавсум “Бавария”да асосий тўпурар вазифасини Ҳарри Кейн бажармоқда. “Тоттенхэм”дан трансфер қилинган юлдуз Бундеслигада тўпурарлик маҳоратини намойиш қила бошлади.

Левандовскидан Кейн унинг рекордини янгилаши мумкинлигига муносабат сўрашди.

- Ўз рекордим ҳақида ўйласам, бу имконсиз, деб ҳисоблайман. Бу ақлбовар қилмас ҳолат эди. Ҳарри Кейн зўр ўйинчи, лекин Бундеслига мураккаб чемпионат. Менимча, унга мослашиш учун бироз вақт керак, - деди Роберт Левандовски.