Левандовски мавсумдаги режалари ҳақида гапирди

Роберт Левандовски бу мавсумда "Барселона" сафида 30 дан ортиқ гол уришни истамоқда.

Жамоадаги учинчи мавсумида 36 ёшли полшалик форвард Ла Лиганинг 4 та ўйинида 4 та гол урди. Биринчи мавсумда (2022/2023) барча мусобақаларда 46 ўйинда 33 та, иккинчисида (2023/2024) 49 та ўйинда 26 та гол урган.

- Албатта, ўтган мавсумга нисбатан кўпроқ гол уришни хоҳлайман. Мақсад - 30 дан ортиқ гол уриш. Бу жамоанинг ўйинига ҳам боғлиқ. Шунинг учун менда гол уриш учун кўплаб имкониятлар бўлади деб умид қиламан.

"Бавария"да Флик билан биз футболда ҳамма нарсани ютдик. Ханси билан ҳужумкор футбол ўйнадик. Бу мавсумда ёндашувимни бироз ўзгартирдим. Сабаби, мен ҳали ҳам ўтган мавсумда йўқотган кучимни қайтаришга ҳаракат қиляпман, - деди Левандовски.