Левандовски можароси давом этмоқда. "Эспаньол" апелляция қўмитасига ўз эътирозини билдирмоқчи

"Эспаньол"нинг Роберт Левандовскининг дербида иштирок этгани борасидаги шикояти рад этилди. 

Эслатиб ўтамиз, клуб аввалроқ Ла Лигада 3 учрашувга дисквалификация қилинган "Барселона" ҳужумчисининг ўйиндаги иштироки сабабли Испания Қироллик футбол федерациясига шикоят хати юборганди. 

Мадрид марказий суди польякнинг дисквалификациясини тўхтатиб туриш тўғрисида қарор чиқарди. Натижада, у "Эспаньол"га қарши беллашувда майдонга тушди. 

RFEF рақобат қўмитаси "оқ-кўкларнинг" шикоятини рад этди. Каталония клуби бу қарорга рози эмас ва апелляция қўмитасига ўз эътирозини билдириши кутилмоқда.