Левандовски Обамеянгнинг рекордини такрорлади

Хабарингиз бор бугун Бундеслиганинг 8-турида “Бавария” сафарда “Аугсбург” меҳмони бўлди ва 2:2 ҳисобида дуранг қайд этди.

Шу куни мюнхенликлар сафида голларнинг бирига Роберт Левандовски муаллифлик қилди. Эътиборлиси польшалик ҳужумчи Бундеслиганинг дастлабки 8 та турининг барчасида гол урди бу борада “Боруссия” Дортмунднинг собиқ ҳужумчиси Пьер-Эмерик Обамеянг ўрнатган рекордни такрорлади. Эслатиб ўтиш лозимки, габонлик футболчи 2015-16 йилги мавсумнинг дастлабки 8 та турида гол уришга эришган эди.

Маълумот учун, “Бавария” айни дамда мусобақа жадвалида 3-ўринда бормоқда. Нико Ковач жамоаси ўзининг кейинги учрашувини “Унион Берлин” клубига қарши ўтказади.