Левандовски тўпурарлар пойгасида Мбаппега қандай ютқазганини айтди

Испания чемпионати ғолиблиги “Барселона”га насиб қилган бўлса, мусобақанинг тўпурарлар пойгасида “Реал” ҳужумчиси Килиан Мбаппе муваффақият қозонди.

Кўп гол уриш борасида узоқ муддат пешқадамлик қилиб, кейин франциялик ўйинчидан ортда қолиб кетган Роберт Левандовки бу масала бўйича ўз муносабатини билдирди.

- Табиийки, лига тўпурарига бериладиган Пичичи совринидан қўлдан чиқарганимдан ҳафсалам пир бўлди. Жароҳатдан кейин оптимал формага қайтишим қийин кечди. Лекин бу нормал ҳолат, - деди Роберт Левандовски.

Килиан Мбаппе дебют мавсумида Ла Лигада 34 маротаба майдонга тушиб, рақиблар дарвозасини 31 марта ишғол қилди.

Роберт Левандовски ҳам “Барселона” таркибида чемпионат доирасида 34 та ўйин ўтказди. 36 ёшли ҳужумчи бу баҳсларда ўз ҳисобига 27 та тўп ёздириб қўйди.