Левандовски: "У билан "Реал" янада хавфли бўлади"

"Барселона" ҳужумчиси Роберт Левандовски Хаби Алонсонинг "Реал" бош мураббийи этиб тайинланганини юқори баҳолади ва айнан у билан "қаймоқранглилар" олдинга сифатли қадам ташлашига ишонч билдирди.

- Хаби мураббийлик фаолиятининг бошида, аммо унинг қилган ишларининг натижаси кўриниб турибди. Ўйлайманки, у "Реал"га янгилик олиб келади. Алонсо мураббий бўлишини доим ҳис қилиб келганман - ҳозир ҳам бунга шубҳа қилмайман: у билан "Реал" янада хавфли бўлади," - дея Левандовскининг сўзларини келтирди "Mundo Deportivo" нашри.

Левандовски ва Алонсо бир вақтлар "Бавария"да бирга ишлашган ва польшалик форвард собиқ футболчининг футболга бўлган ёндашувини яхши билади. Алонсонинг қўл остида леверкузенликлар 2023-2024 йилда тарихий мавсумни ўтказишди: Бундеслига чемпионлиги, Германия кубоги ва Суперкубоги.