Левандовски янги клуби номи аниқ бўлди

“Барселона”нинг 37 ёшли  тўпурар ҳужумчиси Роберт Левандовски фаолиятини Италиянинг “Ювентус” клубида давом эттириш эҳтимоли ошиб бормоқда.

Tuttosport нашри хабарига кўра, Турин клуби аллақачон футболчининг атрофидаги вакиллари билан музокара ўтказган.

Маълум қилинишича, польшалик форвард ашар Турин суперклуби жорий мавсум якунларига кўра, Европа Чемпионлар лигаси йўлланмасини қўлга киритса, бу жамоа сафига кўчиб ўтади. Левадовски Каталонияни тарк этган тақдирда айнан “Ювентус” устувор вариант ҳисобланади.

Левандовскининг “Барселона” билан амалдаги шартномаси 2026 йил ёзигача мўлжалланган. Каталония клуби раҳбарияти унга янги шартнома таклиф қилди, аммо унда маош сезиларли даражада қисқартирилиши кўзда тутилган эди. Бу эса футболчига маъқул келмаган.

Манбага кўра, ҳужумчининг агенти Пини Захави аллақачон “Ювентус” вакиллари билан учрашган. Томонлар тахминан 6 миллион евро маош ва бонуслар назарда тутилган бир йиллик шартнома бўйича келишиб олган.