Lift Promotions компанияси бокс оқшомининг барча натижалари ва нокаут видеолари битта саҳифада

13 август куни "Humo Arena"да Lift Promotions компанияси томонидан ташкил этилган профессионал бокс оқшоми якунланди. Натижалар қуйидагича кўриниш олди:

Асосий кард

Фазлиддин Ғоибназаров - Жадиер Парра (Венесуэла): Ғоибназаров рақибини илк раундда нокаутга учратди.

Эберт Соуза (Бразилия) - Денни Мендоза (Никарагуа): Олимпиада чемпиони Соуза профессионал дебют жангида 2-раундда техник нокаут эвазига ғалаба қозонди.  

Шаҳобиддин Зоиров - Херсон Лариос (Никарагуа): Зоиров рақибини илк раундда битта зарбада чуқур нокаутга учратди.

Жедиер Эррера (Куба) - Мауро Пероуне (Аргентина): Пероуне 7-раундда жароҳат олгани боис шифокор жангни давом эттиришга рухсат бермади ва шу давргача бўлган очколар бўйича Эрреранинг ғалабаси қайд этилди. 

Лазизбек Муллложонов - Майкл Бассет (Британия): Рақибнинг мураббийи рингга оқ сочиқ ташлади ва шу тарзда Мулложонов 2-раундда рақибни техник нокаутга учратган ҳолда муддатидан олдин ғалаба қозонди.

Миразизбек Мирзаҳалилов - Ислам Торобаев (Қирғизистон): Торобаевнинг жамоаси 3-раунддан сўнг жангни давом эттиришдан бош тортганлиги сабабли Мирзаҳалилов техник нокаут эвазига ғалаба қозонди.

63,5 кг Гран-При турнири

Мужибилло Турсунов - Рахматилло Шарипов: Турсунов проф йўналишдаги дебют жангини муваффақиятли ўтказиб, очколар ҳисобида ғалага қозонди.

Аббосхон Йўлдошев - Шоҳруҳбек Кенжаев: Кенжаев очколар ҳисобида ғалаба қозонди.

Тимур Абдурахмонов - Фаррух АрслоновАрслонов очколар ҳисобида ғалаба қозонди.

Дастанбек Иманказиев (Қирғизистон) - Дилшад Нурим (Қозоғистон)Нурим рақибини 3-раундда техник нокаутга учратган ҳолда ғалаба қозонди.

Фикрлар

Фикр қолдириш учун авторизациядан ўтинг!