Лига-1. ПСЖ кетма-кет иккинчи баҳсда дуранг қайд этди

"Стад де ла Мено"да кечган беллашувда кучлар тенг келди - 1:1. Кенни Лала 40-дақиқада пенальтини аниқ амалга ошириб, ҳисобни очди. 71-дақиқада эса Эдинсон Кавани 11 метрли жарима зарбасидан унумли фойдаланиб, мувозанатни тиклади.

Шу тариқа, Томас Тухель шогирдлари кетма-кет иккинчи учрашувда дуранг натижа қайд этишди. Ўтган турда парижликлар "Бордо" билан жанговар дурангга имзо чекиб, 14 ўйинлик ғалабали серияга якун ясаган эдилар.