Лилия Шакирова ва Ҳабиб Нурмагомедов рақиб билан бир xил вазн кўрсатди

Абу-Дабида "UFC 254" турнири олдидан вазн ўлчаш маросими ўтказилди.

Мусобақанинг марказий жангида UFC чемпиони Ҳабиб Нурмагомедов ва вақтинчалик чемпион Жастин Гэтжи қарама-қаршилиги бўлиб ўтади.

Ҳар икки жангчи енгил вазн тоифаси учун белгиланган вазн меъёрини бажарган ҳолда, бир хил оғирликни кўрсатди - 70,3 килограмм.

UFCда жанг қиладиган учинчи ўзбекистонлик Лилия Шакирова ҳам вазн меъёрини муваффақиятли бажарди. У рақиби билан бир хил оғирликни кўрсатди - 57,1 килограмм.

Асосий кардларда қатнашувчилар ҳам вазн меъёрини бажарди:

Роберт Уиттакер (84,3 кг) – Жаред Канноньер (83,9 кг).

Александр Волков (120,2 кг) – Уолт Харрис (115,2 кг).

Фил Хоус (84,3 кг) – Жейкоб Мэлкун (84,3 кг).