Лингард қандай қилиб ЖЧ-2022 га бориш ҳақида ўйламоқда

Англиялик ярим ҳимоячи Жесси Лингард АПЛ ва Осиё клубларидан бўлаётган таклифларни ўрганмоқда. Унга МЛС клубларидан ҳам таклифлар бор, аммо у ушбу таклифларни кўриб чиқмоқчи эмас.

ESPN нашри тарқатган хабарга қараганда, 29 ёшли футболчи келажаги борасида ҳафта охиригача бир қарорга келади. Уни қўлга киритиш учун "Вест Хэм", "Эвертон", "Тоттенхэм" ва "Ноттингем Форест" клублари курашмоқда.

"Манчестер Юнайтед"нинг собиқ ярим ҳимоячисига БАА ва Саудия Арабистонидан ҳам фойдали таклифлар келиб тушган.

Эслатиб ўтамиз, Лингард июнь охирида эркин агентга айланди. У айни дамда якка тартибда шуғулланмоқда. Унинг мақсади кўпроқ ўйин амалиётига эга бўлиш ва Қатарда бўлиб ўтадиган ЖЧ-2022да Англия терма жамоаси сафига кириш ҳисобланади.