"Лион" Дембеленинг нархини эълон қилди

Франциянинг "Лион" клуби раҳбарияти жамоа ҳужумчиси Мусса Дембеленинг трансфери нархини эълон қилди.

Sky Sports нашри тарқатган хабарга кўра лионликлар 23 ёшли футболчини 45 млн евродан камига қўйиб юборишмайди. Эслатиб ўтамиз, бундан аввалроқ унга "Манчестер Юнайтед"дан қизиқишлар бўлаётгани ҳақида хабарлар тарқалган эди.

Маълумот учун, Дембеле ўтган мавсум Франция чемпионатида 33та ўйинда иштирок этди ва 15та гол ҳамда 4та голли узатмага муаллифлик қилди.