Лионель Месси Эрик Абидал баёнотига изоҳ берди

"Барселона" сардори Лионель Месси клуб спорт ишлари бўйича директори Эрик Абидалнинг айтган гапларига ўз қарашларини билдириб ўтди.

Олдинроқ, француз Эрнесто Вальверденинг истеъфоси масаласида "Реал" билан ўйиндан сўнг иш олиб борилгани ва жамоадаги айрим футболчиларга мураббий билан ишлаш манзур келмаганлигини айтиб ўтган эди.

"Очиғи, менга бу ҳақида гапириш ёқмайди, бироқ ҳамма қилган иши учун жавобгар бўлиши керак деб ўйлайман.

Футболчилар ўз ишларини майдонда бажаришади, шу сабабли жамодаги вазиятни улар биринчи бўлиб хис қилишади. Клуб спорт ишлари бўлими эса ўзлари чиқарган қарорлари учун жавоб беришлари керак.

Агар футболчилар ҳақида гап кетса, унда унинг исми тилга олиниши шарт, чунки қарама-қарши ҳолатда биз барчани уятга қолдираётган бўламиз", - дея пост қолдирган Месси.