Лионель Месси нуфузли мукофот соҳиби бўлди

"Интер Майами" ва Аргентина терма жамоаси ҳужумчиси Лионель Месси 2026 йил учун спорт соҳасидаги "Астурия маликаси" мукофоти билан тақдирланди.

Футболчини собиқ жамоаси "Барселона" ҳам табриклади.

"Лионель Мессини 2026 йилги спорт соҳасидаги "Астурия маликаси" мукофотини қўлга киритгани билан табриклаймиз. Бу 'Барселона'даги афсонавий меросингиз ва клубимиздаги муваффақиятларингизнинг муносиб эътирофидир", — дейилади каталонияликлар баёнотида.

Маълумот учун, ушбу мукофотнинг 2025 йилги совриндори машҳур теннисчи Серена Уильямс бўлган. Футболчилар орасида эса сўнгги бор 2012 йилда Икер Касильяс ва Хави Эрнандес ушбу мукофотга лойиқ кўрилган эди.