Лионель Скалони: "Улар бизга жуда кўп қийинчиликлар туғдирди ўйлайман".

Аргентина терма жамоаси бош мураббийи Лионель Скалони Жаҳон чемпионати-2026 чорак финалида Швейцарияга қарши ўйин (3:1, қўшимча вақт)дан кейин ўз фикрлари билан ўртоқлашди.

«Ростини айтсам, бугун жуда қийналдик. Швейцария жисмонан жуда бақувват жамоа эканини билардик. Улар биз учун кўп муаммолар яратди, айрим вазиятлардан чиқиб кета олмадик. Очиг‘ини айтганда, омад бугун бизнинг томонда бўлди — рақиб таркибда бир футболчи майдондан четлатилди, шундан кейин биз фаол ҳужумга ўтдик. Реалист бўлишимиз керак: ҳали тузатишимиз, устимизда ишлашимиз лозим бўлган жиҳатлар кўп. Лекин барибир ғалаба билан олға силжиш ҳар доим ёқимли», — дея Скалонининг сўзларини Халқаро футбол федерацияси расмий сайти келтиради.